اۋەزوۆ اۋدانى №104 جالپى ءبىلىم بەرەتىن مەكتەپتە «رۋحاني جاڭعىرۋ» اياسىندا «تۋعان جەر» باعدارلاماسىن باسشىلىققا الا وتىرىپ، 5–10-سىنىپتار اراسىندا «ماكەتتەر سايىسى»  اتتى ءىس-شارا ۇيىمداس­تىرىلدى. مۇندا وقۋشىلاردىڭ تۋعان جەرگە دەگەن پاتريوتتىق سەزىمىن وياتۋ، وتانعا ادال قىزمەت ەتەتىن ءجاسوسپىرىمدى تاربيەلەۋ باستى باعىت بولىپ وتىر.

ەلىمىزدىڭ كوركىنە كورىك بەرىپ، اسەم، ءزاۋلىم سارايلاردىڭ ءوز نۇسقا­سىنان اينىمايتىن كوشىرمەسى جاسالعانىن كورىپ، وقۋشىلار مەن اتا-انالاردىڭ كوڭىلدەرى ءبىر مارقايدى. ەڭ باستىسى، اتامەكەنىمىزدە ورنالاسقان ماڭىزى بار عيماراتتار تۋراسىندا وقۋشىلارمەن كەڭ اۋقىمدى اڭگىمە جۇرگىزىپ، تانىستىرعانى بولدى. كوزدىڭ جاۋىن الاتىن ەڭبەكتەرگە قازىلار القاسىنىڭ باعا بەرۋى وتە قيىن بولدى.

جيىندا ءسوز العان مەكتەپ باسشىسى ايزا مۇحتارقۇلوۆا اتا-انالار، ۇستازدار، وقۋشىلار قاۋىمىنا رياسىز العىسىن ءبىلدىرىپ، شىعارماشىلىق تابىس تىلەپ، ءبىلىم ورداسىنا جاناشىر اتا-انالارعا العىس ءبىلدىردى. وقۋشىلاردىڭ قولىنان شىققان تۋىندىلارى مەكتەپتىڭ دالىزىندەگى كورمەگە قويىلاتىن بولدى. «بۇل ماكەتتەر  مەكتەپ عيماراتىنا ءسان بەرەتىن سىيلىق»، – دەپ ريزا بولدى. وقۋشىلاردىڭ رۋحاني، تانىمدىق ءوي-ورىسىن كەڭەيتەتىن ءىس-شارالار قالامىزدىڭ بارلىق ءبىلىم ورداسىندا ورىن تاۋىپ جاتسا، نۇر ۇستىنە نۇر بولار ەدى.

مايگۇل ورازاقىن قىزى